Follow us on

ਪਹਿਲੀ ਵਾਰ ਪੈਸਿਆਂ ਦੀ ਵੰਡ ਦੇ ਇਲਜ਼ਾਮਾਂ ਕਾਰਨ ਇੱਕ ਲੋਕ ਸਭਾ ਸੀਟ ਦੀਆਂ ਚੋਣਾਂ ਰੱਦ

ਭਾਰਤੀ ਚੋਣ ਕਮਿਸ਼ਨ ਦੀ ਸਿਫਾਰਿਸ਼ਾਂ ਨੂੰ ਮੰਨਦੇ ਹੋਏ ਰਾਸ਼ਟਰਪਤੀ ਨੇ ਤਮਿਲ ਨਾਡੂ ਦੀ 8-ਵਿੱਲੋਰ ਹਲਕੇ ਦੀ ਚੋਣ ਨੂੰ ਰੱਦ ਕਰ ਦਿੱਤਾ ਹੈ। ਚੋਣ ਕਮਿਸ਼ਨ ਨੇ ਰਾਸ਼ਟਰਪਤੀ ਨੂੰ ਵਿੱਲੋਰ ਸੀਟ ਦੀ ਚੋਣ ਰੱਦ ਕਰਨ ਦੀ ਸਿਫਾਰਿਸ਼ ਕੀਤੀ ਸੀ।ਇਹ ਫੈਸਲਾ ਹਲਕੇ ਵਿੱਚ ਵੱਡੀ ਗਿਣਤੀ ਵਿੱਚ ਕੈਸ਼ ਮਿਲਣ ਕਰਕੇ ਲਿਆ ਗਿਆ ਹੈ। ਚੋਣ ਕਮਿਸ਼ਨ ਅਨੁਸਾਰ , “ਚੋਣ ਕਮਿਸ਼ਨ ਵੱਲੋਂ 14 ਅਪ੍ਰੈਲ, 2019 ਨੂੰ ਵਿੱਲੋਰ ਹਲਕੇ ਦੀ ਚੋਣ ਰੱਦ ਕਰਨ ਦੀ ਰਾਸ਼ਟਰਪਤੀ ਨੂੰ ਦਿੱਤੀ ਸਿਫਾਰਿਸ਼ ਸਵੀਕਾਰ ਕਰ ਲਈ ਗਈ ਹੈ।” ਇਸ ਫੈਸਲੇ ਤੋਂ ਬਾਅਦ ਵਿੱਲੋਰ ਦੇਸ ਦਾ ਪਹਿਲਾ ਹਲਕਾ ਹੋਵੇਗਾ ਜਿੱਥੇ ਚੋਣਾਂ ਪੈਸੇ ਵੰਡਣ ਕਾਰਨ ਰੱਦ ਹੋਈਆਂ ਹਨ।30 ਮਾਰਚ ਨੂੰ ਡੀਐੱਮਕੇ ਦੇ ਖਜ਼ਾਨਚੀ ਅਤੇ ਤਮਿਲ ਨਾਡੂ ਦੇ ਕੈਬਨਿਟ ਮੰਤਰੀ ਦੁਰਾਇਮੁਰਗਨ ਦੇ ਘਰ ਇਨਕਮ ਟੈਕਸ ਮਹਿਕਮੇ ਨੇ ਛਾਪਾ ਮਾਰਿਆ ਸੀ। ਉਨ੍ਹਾਂ ਦੇ ਕਈ ਕਰੀਬਿਆਂ ਦੇ ਘਰ ਵੀ ਛਾਪੇ ਮਾਰੇ ਗਏ ਸਨ।ਇਹ ਵੀ ਖ਼ਬਰਾਂ ਆਈਆਂ ਸਨ ਕਿ ਇਨਕਮ ਟੈਕਸ ਮਹਿਕਮੇ ਨੂੰ ਦੁਰਾਇਮੁਰਗਨ ਦੇ ਘਰੋਂ 10।5 ਲੱਖ ਰੁਪਏ ਕੈਸ਼ ਬਰਾਮਦ ਹੋਇਆ ਹੈ।ਵਿੱਲੋਰ ਤੋਂ ਦੁਰਾਇਮੁਰਗਨ ਦੇ ਪੁੱਤਰ ਕਾਥਿਰ ਆਨੰਦ ਚੋਣ ਲੜ ਰਹੇ ਸਨ ਇਸ ਲਈ ਮੁੱਦਾ ਸੁਰਖ਼ੀਆਂ ਵਿੱਚ ਆ ਗਿਆ। ਦੋ ਦਿਨਾਂ ਬਾਅਦ ਖ਼ਬਰ ਆਈ ਕਿ ਇਨਕਮ ਟੈਕਸ ਮਹਿਕਮੇ ਨੇ ਕਾਥਿਰ ਆਨੰਦ ਦੇ ਇੱਕ ਕਰੀਬੀ ਦੇ ਘਰੋਂ 11 ਕਰੋੜ ਰੁਪਏ ਜ਼ਬਤ ਕੀਤੇ ਹਨ।ਛਾਪੇ ਵਾਲੇ ਦਿਨ ਦੁਰਾਇਮੁਰਗਨ ਨੇ ਪ੍ਰੈੱਸ ਨਾਲ ਗੱਲਬਾਤ ਵਿੱਚ ਇਲਜ਼ਾਮ ਲਾਇਆ, “ਅਸੀਂ ਕਿਸੇ ਤੋਂ ਕੁਝ ਨਹੀਂ ਲੁਕਾ ਰਹੇ ਹਾਂ ਅਤੇ ਜੋ ਚੋਣ ਵਿੱਚ ਸਾਡਾ ਮੁਕਾਬਲਾ ਨਹੀਂ ਕਰ ਸਕਦੇ ਉਹ ਅਜਿਹੇ ਮੁੱਦੇ ਬਣਾ ਰਹੇ ਹਨ।”ਇਸ ਦੇ ਨਾਲ ਹੀ ਚੋਣ ਕਮਿਸ਼ਨ ਨੇ ਰਾਸ਼ਟਰਪਤੀ ਨੂੰ ਵਿੱਲੋਰ ਦੀ ਚੋਣ ਰੱਦ ਕਰਵਾਉਣ ਦੀ ਸਿਫਾਰਿਸ਼ ਭੇਜ ਦਿੱਤੀ ਸੀ। ਹੁਣ ਵਿੱਲੋਰ ਦੀ ਚੋਣ ਰੱਦ ਹੋ ਚੁੱਕੀ ਹੈ।

Hot News

Contact Us

Copyright ©2019. Website Powered By NetMatic Technologies All Rights Reserved.